مرحبا
اليوم انشالله راح يبدي التصويت على قصايد المشاركين معنا
وراح يكون التصويت على حسب ارقام القصيده
واتمنى التفاعل من الجميع
(رقم1)
لي صاحبن حلو النبا عذب الأنفاس
مكانته بالبيض حيـل إمحسـوده
إن قلت أنا مياس بالحيـل ميـاس
وإن قلت متكبر تعـدى حـدوده
برقٍ شلع وازداد نوّه بالأطحـاس
غيثه شديد وصايحـاتٍ رعـوده
بالحيل أحبه وإن تعمقت لابـاس
أجود له بالطيب ويـزود جـوده
دايم يواعدني ليا نامـت النـاس
واللي ذبحني وافـيٍ فـي وعـوده
أحن له بإحساس ويحن باحسـاس
وتود له نفسـي ونفسـه ودوده
مابدله بالمـال وعقـود الألمـاس
عزي لتال الوقت لاقفى وجـوده
لو كان عشت العمر كله بالافلاس
ماهمنـي بالمـال نقصـه وزوده
حيث إن خلي للمزاييـن نبـراس
حلفت ماغيري يقبّـل خـدوده
حبيت أشارك به بعـزٍ ونومـاس
لعـل حظـي للصـدارة يقـوده
(رقم2)
ياروح أرتأحي مابقـى بعـد الرحيـل
غير الصبر والليـل عينـي تسهـره
ياكم غيري في الهواء حاله عليـل
يشكي المواجع غير ماحـد عبـره
بعد الحبايب شي ماهـو مستحيـل
بالعكس وارد في زمـان المبـزره
اصبح اسير الحب يشبـه للهبيـل
صوته على المـوال دايـم يجهـره
من كثر ماغنى على البحر الطويـل
ماعاد صوته يطلع مـن الحنجـره
واليـوم ياقلبـي تحمـل للثقـيـل
أحذرتضحي بي لجل خاطـر مـره
كم قلت لك هون ولاتسمـع هديـل
اللي تغنـي فـوق سـور المقبـره
لاكن عصيت ابحجت الحب النبيـل
ويـن النبالـه والقلـوب امخـدره
غيم عليها الحقد وامزونـه غليـل
وانت الضرير اللي زمانـه عـزره
تركض ورى كلمت هنوفٍ تستحيـل
تلعب عليك وتحسب انها مشطـره
توعدك بالخيبه وطعـم السلسبيـل
واثر الكـلام اللـي تقولـه ثرثـره
وقعتنـي ياقلـب ماعنـدي دليـل
كل العلوم اللي طرت لـك مسخـره
كملي وانا اتبع رغبتك حتى المقيـل
بين على وجهي من الشمس اكثـره
من نام في الوادي على جال المسيل
لابد من سيـلٍ يجـي لـك بخبـره
ومن طاوع القلب الشقي يصبح ذليل
امـا يعيـش الـهـم ولا دمــره
وان مات مايحسب على الجبهه قتيل
ياكيف يحسـب يـوم دمـه هـدره
هذي الحقيقه قلتهـا عابـر سبيـل
راضي بحكم الـرب واللـي قـدره
(رقم3)
الحب لواحد.. لا لثلاثة ولا أثنين
والا بليا الحب لاصار يتدنى!!
الحب لواحد.. وخلن القلب مايلين
مهما سعى معكن.. ومهما فتناااا
الحب جانا مكرمٍ.. له قوانين
جانا من الغربة.. جانا وتعنى
الحب يضحك قبل ثمان وثمانين!!!
واليوم أشوف دموع عينه ..رونا!!
بعض العذارى جاهله بالقوانين
تعشق فلان وفلان ومنا ومنا!!!
سلطان ..بتحبه باادله وبراهين
ومشعل تقول العمر معكم تهنى
وسعود حبه صافي بالموازين
بوسامته دايم تسولف وتغنى!!
وبعض البني تشره لحبً له سنين
ماتدري عن العيب منا وحنا!!!!
سنينا هاذي.. مثل باقي السنين
بس التقلب صار.. منهم ومنا ...
وبعض البني تجهل دروب المحبين
ماتدري إن الحب نارٍ... وجناا
خلن عذاب الحب ماهو عذابين
وخلن مسمى الحب دايم مهنى!!
درب الغشامه درب كل الوراعين
ودرب الخيانة فيه كلن تثنى!!
الحب لواحد .. يابنات الشريفين
وإلا بليا الحب.. لاصار يتدنى
(رقم4)
يقولون عبّر عن هجوسك ياراع الذات
وانا اقول كل اللي تبونه بتلقونه
ابكتب وابعبّر شعوري من الابيات
وظن العدو فيني ترا ماني بدونه
سقى الله زمان ً ياهجوسي على مافات
زمن بندر ابن سرور والجزل مضمونه
رحمك الله المعبود ياراعي الجزلات
ترا انته مثال ٍ لي والنفس مسجونه
وهالحين كلن قام يقصر عن المدّات
وشعره ملاه العاطفه منجهل لونه
وهيهات يامسكين في شعركم هيهات
بتلقا مطبّل لك بقلبه ومجنونه
صدَق من يقول ابليس للحين ماقد مات
وصدق من يقول الدرّ في البحر مكنونه
وهاذي وصاتي ياعرب واخذو الاوصات
عسا انفسكم لسمع النصيحات مرهونه
ياقل العرب هالحين في السمع والانصات
وياكثرهم في الشعر والطبل قانونه
ياعزاه ياجفن ٍ معنّى ولاقد بات
يبان التعب والسهر من شوفت عيونه
هاذي هي بيوتي للحياء والموات اموات
عسى الله يجازيهم بخيره ومخزونه
(رقم5)
.....اسألك يامُقلتـــــــــــــــي....
.....لِما ذرفتِ المدمــــــــــــعِ؟....
.....لِما العاشق كل حيـــــــنٍ....
.....لايهنـــأ في المضجـــــعِ؟....
....ينامُ العشق راحـــــــــــــةً....
....ودمعي جارِ المُقلـــــــــــة.....
....بالقلبِ شوقاً وحنيــــــــن....
....أكبرُ من مــوسوعــــــــــةِ....
....حُسناً غطى كل حَســــن....
....حُسن حواري الجنـــــــــةِ....
....فلم يغب عن خاطـــــــري....
....خيالهُ في نظرتــــــــــــي....
....فكيف يغفو خاطــــــــــري.....
....معنى رحيلُ جنتـــــــــــي.....
....عهداً لهُ لن أنثنــــــــــــي....
....عن عُشقهِ فِي دُنيتـــــي....
....عيناي تعجِبُ سحـــــــــرهُ....
....أجمل عُيون دُنيتـــــــــــي....
....حِين يبهـــــرجمالــــــــــهُ ....
....تُرسم بِثغري بسمـــــــــةِ....
ـ....بعشقهُ هائمــــــــــــــــةٌ....
....يحضــرُ نومي يقـظتــي....
....باللهِ إرحم حالتـــــــــــي ...
....يازمنـــــي في دنيــــي....
....وخلصني من لوعتـــــي ...
....وأحمل معاني حُلــــــوةِ....
....وألمـس مني كل حنيـن ...
....وأسمع مني أنتّـــــــــي....
....عشِقـتهُ بقــــــــــــــــوةٍ ....
....عُشـقي لهُ وظيفتـــــي...
....أجمع بيني وبينــــــــــه....
...وأبعــد عنا الفرقـــــــــــة....
(رقم6)
ألا ياللي أخذت الزين غديت اليوم عنوآنه
ولا قبلك ولا بعدك ولا غيرك أحد ثاني
إلا من شافك العاقل تلاعب فيه شيطانه
يجيه جنون من وصفك مثل ما جاني جناني
شديد الجسم لو شافك تزلزل كل أركانه
أنآ أتحدى بك العالم عجز منهو تحداني
وحتى الطير لو شافك تقصص ريش جنحانه
جمالك يذبح العاشق جمالك وين وداني
جسم مثل الفرس جسمك وعينك عين شيهانه
وباقي الوصف يا خوفي أضيع فيه عنوآني
وأنآ كني على شاطي غريب مضَيع أوطآنه
عيونك وجهة دروبي وقلبك فيه أوطآني
تعال أقلط على قلبي تعال ودق بيبانه
تعال أقرب هنا عندي تعال وحرك أشجاني
فدآك الحرف يا روحي فداك الشعر وأوزانه
حروف أسمك على سَمعي وأرددها على لساني
أصفف فيك أبياتي وتجي الأبيات عطشآنه
تبي تروي ظمآ شوقي على اللي بدد أحزآني
أخآف الوصف من وصفك يشيب وتذبل أوجآنه
وأخآف أني من الفرحه بشوفك تذبل أعياني
وإذآ شعري وصف غيرك ترآني بقطع لسآنه
أنآ كلي فدى كلك أنآ والصوت وألحآني
أغني لك على أوتآري عروق الحب رويآنه
وأغني لك أغاني الحب أغنيهآ بلحن ثاني
أبختمهآ وعجزت أختم حروف الشعر طربانه
تبي ترقص فرح للي إلا من جيت حياني
أهلي بك هلا باللي جمآل الشرق بأعيانه
هلا بك يا بعد كلي هلا يا كل خلآني
هلا والشوق ذآبحني هلابك يآ أجمل إنسانه
كروت الحب مدفوعه وجاك الكرت مجآني
كتبته من عروق القلب حبيبك والزمن خانه
عليه حروف حبي لك عليه أسمي وعنوآني
عليه قلوب مرسومه عليه الشعر وقيفانه
عليه أصدق شعور الحب رسمته لجل تهوآني
ألا ياللي أخذت الزين أنت اليوم عنوانه
ولا قبلك ولا بعدك ولا غيرك أحد ثاني
اتمنى التوفيق للجميع
[[المرحله الثانيه من مسابقه ونات الشعريه]]
العرض الشجري